हे जरूर करा

मुलावर विश्वास ठेवा.
मुलाबरोबर प्रेमाने बोला आणि वागा.
मुलं जे सांगतात ते शांतपणे ऐकूण घ्या.
मुलांना सांगा, त्यांच्या सोबत झालेल्या हिंसा/लैंगिक शोषण यामध्ये त्यांची काही चुक नाही.
मुलांना सांगा, त्यांना कोणी काहीही दिले किंवा कुठे जाऊया असे म्हटले, तर पहिले पालकांना सांगा.
मुलांच्या वागण्या-बोलण्यात जराही बदल जाणवला, तर त्याच्यांशी लगेच बोला.
मुलांबरोबर नेहमी मन-मोकळेपणाने संवाद साधा, त्यांच्याशी बोलत राहा.
मुलांचा तुमच्यावर विश्वास असेल, ते त्यांचे अनुभव तुम्हाला विश्वासाने सांगतील असे वातावरण घरात निर्माण करा.

हे कधीही करू नका

त्यांचा तुमच्यावरचा विश्वास कमी होईल असं बोलू किंवा वागू नका.
मुलांवर ओरडू नका / रागावू नका/ शिक्षा करू नका.
मुलांना खोटं सांगतोस/बोलतेस असं म्हणू नका.
विशेषतः अशा प्रसंगी मुलांना दोष देऊ नका.
तुम्हाला खात्री किंवा विश्वास नसलेल्या जागी किंवा व्यक्तींसोबत (मग ती व्यक्ती कोणीही असो.) मुलांना सहसा सोडू नका.
मुलांच्या बदलेल्या वागण्याकडे दुर्लक्ष करू नका.
मुलांना भीती घालू नका/घाबरवू नका
मुलं तुमच्यापासून एखादी गोष्टी लपवतील, तुम्हाला कल्पना देणार नाहीत असे वातावरण घरात तयार होऊ देऊ नका.

लेखन – विद्या देशमुख