कायदे

स्त्रिया आणि कायद्याचा परस्पर संबंध आपणाला मान्य आहे. व्यक्तीचे आरोग्य हे केवळ शारीरिक बाबींपुरते मर्यादित नसते. शारीरिक आरोग्याबरोबरच मानसिक आणि सामाजिक आरोग्य हे तिन्ही आरोग्याचे पैलू एकमेकांमध्ये गुंफलेले किंवा साखळीसारखे आहेत. म्हणूनच कायदा आणि स्त्री आरोग्याचे अतिशय जवळचे नाते आहे. स्त्रियांचे कायदेशीर हक्क आणि अधिकार यांविषयी निर्माण होणारी जाणीव हिंसाचाराला प्रतिबंध करण्यास आणि व्यक्तीचे मानवी हक्क अबाधित ठेवण्यास निश्चितच मदत करते. कायद्यांसमोर प्रत्येक व्यक्ती समान आहे. परंतु सर्वसामान्यपणे, कायदे हे बाईच्या बाजूने आहेत हा गैरसमजही मोठया प्रमाणावर आहे. या गैरसमजातून आपण तिच्या अधिकारांची अवहेलना किंवा थट्टा करीत नाही ना? हा विचार होणे गरजेचे आहे. याच विचारातून या विभागात स्त्री विषयक कायदे आणि अधिकार यांची आपण ओळख करून घेऊ या.