हे जरूर करा

तुमच्या सोबत छेडछाड / लैंगिक हिंसा होत असेल, तर त्या व्यक्तीला ठामपणे विरोध करा.
ती व्यक्ती तुमच्या सोबत जे काही करत आहे ते तुम्हाला आवडले नाही, हे तुमच्या बोलण्यातून-वागण्यातून त्या व्यक्तीला समजू द्या.
आरडा-ओरडा करून आजूबाजूच्या लोकांना बोलवा आणि ती व्यक्ती तुमच्याबरोबर काय करते ते सांगा.
१०० नंबर डायल करून पोलिसांना तुमचं ठिकाण आणि तुमच्याबरोबर काय होत आहे हे सांगा.
आजूबाजूला कोणी नसेल तर तिथून लवकरात-लवकर सुरक्षित ठिकाणी जा.
तुमच्या विश्वासातल्या व्यक्तीला फोन करा.
सुरक्षित ठिकाणी आल्यानंतर हिंसा करणाऱ्या व्यक्तीची पोलिसांकडे तक्रार करा.
तुमच्यासोबत लैंगिक हिंसा/बलात्कार झाला असेल तर सर्वात प्रथम (सरकारी, खाजगी) दवाखान्यात जा, उपचार मिळावा, रिपोर्ट घ्या. नंतर पोलीस स्टेशन मध्ये तक्रार अवश्य करा
तुमच्या सोबत कोणत्याही प्रकारची लैंगिक हिंसा झाली, तरी तुमची त्यात काहीच चूक नाही हे नेहमी लक्षात ठेवा.

हे कधीही करू नका

तुमच्या सोबत छेडछाड / लैंगिक हिंसा होत असेल तर घाबरू नका, गप्प बसू नका.
तुमच्याबरोबर जे काही घडलं आहे, ते विश्वासातल्या व्यक्ती अथवा पोलिसांपासून लपवू नका.
स्वतःला दोषी मानू नका.
स्वतःला त्रास करून घेऊ नका.
स्वतःला काही इजा करून घेऊ नका किंवा स्वतःचा जीव धोक्यात घालू नका.

लेखन – विद्या देशमुख